Big Day Rundown (Sample)

0600-0830  女家 Bride Make up & bridesmaid group get ready 

點解呢一度要提及到化妝師,

因為如果我哋拍攝隊伍嚟到女家, 新娘仲係啱啱先開始化妝嘅話, 咁可能會延誤其後嘅時間.  (實際上化妝需要用幾多時間請與你的化妝師溝通)   

至於姊妹們需要幾多時間去預備, 可以看當日活動安排,  但係同樣地拍攝隊伍嚟到嘅時候,  佢哋都應該係about to ready or all ready (佢哋都唔可以just arrived) 因為佢哋都係當日其中一啲我哋希望拍攝到嘅元素.

 

0830- 0900 / 0910 :   女家 Getting ready ,  拍攝隊伍到達 ( 非常建議最少留半小時給我們拍攝,最少最少)

攝影團隊會係呢段時間拍攝女家預備工作, 拍攝姊妹同安排新娘子着裙褂, 

我哋會建議新娘子一位 家人幫佢穿着.   

另外呢一段時間兄弟新郎可以喺樓下先準備你哋需要嘅嘢,  例如佈置花車等等..

唔需要等待攝影師先開始進行佈置,  因為有些時候時間比較趕.( 當然如果客人係唔需要有吉時規限嘅話咁冇問題)

 

0910 - 0930 : 女家樓下拍攝新郎兄弟

如果原定計劃係 > 攝影師會落嚟影兄弟嘅話, 咁其實可以喺大概嘅時候, 喺大堂接攝影師, 因為攝影師未必知道你哋嘅基地喺邊度,  如果出門嘅地方係酒店當然好易搵

呢段時間我哋會拍攝新郎同兄弟 ( 如果客人係需要"追吉時"嘅話, 呢一段時間我哋會喺其後時間補拍,    變相會直接進行接新娘玩遊戲呢啲環節,  所以我會預先同新郎講  : 究竟係等我哋先上去 / 定係直接喺某一個時間上嚟接新娘) 

* 有時候如果客人係需要"追吉時" 咁女家樓下影兄弟呢一個環節我哋會留待後面補影,  但係 非常建議客人 一定要預留半個鐘俾我哋拍攝新娘女家get ready嘅情況. 

0930-1015 :  接新娘遊戲時間 ( 時間多少客人決定)

1015 -1045 : 

敬茶,  通常每一個長輩單位,  需要嘅時間大概少於係5分鐘,  所以通常半個鐘嘅時間都足夠( 如果不超過五個單位,  如果認為時間唔足夠嘅話其實好多人都會安排夜晚再補敬茶)   

我可以提一提新人, 兄弟呢個時間其實係空檔, 所以你可以預早安排啲工作比佢哋

11:00 :  出門   (其實按照我哋嘅經驗11點鐘出門係最理想, 因為好多時候都會有over-run嘅情況. 如果出門嘅時間係limit or 更早嘅話就必須遊戲嗰度 "偷時間",  或者 "兄弟新郎get ready" 需要押後拍攝)

11:00 -12:00 : 車程 

12:00 - 12:30 : 男家敬茶 


15:00 -17:30 :   (而家到我先假設客人係 > 教堂/ 其他場地註冊儀式 )

*** 如果你係政府婚姻登記註冊處嘅話,  你需要預早15分鐘去counter俾錢和做一些手續.

1)  MC或律師 intro    

2)  家人擕同新娘進場 (officially should be Father )

3)  律師講嘢 ( 向你們當眾作出一啲聲明)

4)  彼此宣讀誓言 > 交換結婚戒指  > 揭頭紗 >  簽署文件

5)  合巹交杯 > 切蛋糕  (通常去場地會安排一個dummy cake)

6)   完成儀式 (有新人或者某啲教堂儀式會安排新人步出會場,  自行溝通和安排)

7)   可以選擇呢個時間拋花球

 

8)   合照

*** 如果你係政府婚姻登記註冊 ,  就唔會有MC,   咁個過程場地officially只提供係以上嘅 3,4  (7,8 可以安排)

 記住 : 任何Legal 形式 註冊都需要你哋兩位 + 同埋有另外兩位監禮人在場, 同埋身分證明文件.

16:30 - 20:30 

呢一段時間我會盡量安排或者希望客人安排到我哋嘅videographer能夠有一個安定嘅地方去剪接我哋嘅早拍晚播,  拍晚播剪接嘅 需要時間係3-4hrs.

另外如果有任何片段我哋係幫客人做嘅, 到達會場之後我哋都會同MC同埋場地去夾, 客人無需特別擔心.

至於什麼時候播出, 客人 & MC deal.

17:30-18:00 :   Banquet / Dinner 迎賓

其實呢一段時間好少賓客會咁早嚟, 所以呢段時間其實新人都係做一啲準備嘅工作. 

有可能會出現 "補敬茶 ",  我哋呢個時候都會駐守場地, 但係我哋會節奏減慢一啲 (因為早上嘅拍攝真係幾攰)

18:00  好多酒樓或者酒店都會送俾客人一個蛋糕 Real cake,   咁大部份嘅時候 都會喺返台上面切, 同埋兄弟姊妹影相

18:45 -19:30 :   賓客開始到場, 呢嗰個係影合照嘅時間

19:30 - 20:15 :   新娘轉妝或 gown, 所有人準備開始

20:15 -20:30 :  Dinner Opening

(  如果客人係註冊嘅話其實程序上都係同上面差唔多, 如果係已經住咗冊嘅話咁可以參考下面)

1) MC intro 

 

2) 播成長片 (not a must)

3)  新人兩個進場 > 合巹交杯 , 切蛋糕 etc  > 致詞

4)  Dinner start

 

 

20:30-21:15 Dinner time 

21:15 - 21:30  播放早拍晚播 (if you ordered),  通常我哋都會同場地MC夾好, 呢個時間通常我哋都已經完成.

21:15 - 21:30  敬酒 (通常都會和早拍晚播連在一起, 有時次序會掉轉)

21:30 - 23:00  順延之後嘅, 就係拍攝合照(通常會係高峰期) >  自由活動 > 最後送客

Western Wedding:

其實西式Wedding唔多唔少大同小異, 

因為其實而家傳統香港Wedding都係由Western Wedding 演化出嚟.   

但係佢哋可能會冇咗敬酒送客,  或者播片嘅環節,   但係會多咗啲 朋友屋企人出嚟speech(as their culture)

因為西式嘅Wedding通常客人係自行安排流程, 無一定flow.

但係註冊監禮嗰啲都可以話完全一樣.  

Hotel or not?

講一講關於客人女家 出門同男家 入門嘅安排

或者我可以比一啲小小嘅建議或者情況分析 (becoz 有客人會問我究竟女家喺酒店出門口定係點樣)

當然如果客人嘅家人有 個人意願嘅話,   客人呢方面可以自行商討

1.  如果選擇女家出門酒店 >  你可以節省車程

2.  如果選擇女家出門同入門 都係酒店 > 節省車程, 車資, 搬運部份物資

3.  如果選擇出門入門同埋晚宴都係同一個地方 > 可以節省車程車資等等, 以及搬運物資時間人手安排

 以下係我以自己嘅經歷介紹一啲酒店俾大家

 but 我唔會同大家介紹 first line 嘅酒店, 因為有兩個原因

一個就係 first line 嘅酒店大家都熟悉, (等於半島洲際四季邊個人唔識)

 同埋first line 嘅酒店房間裏便嘅裝修好多時都係差唔多,  呢一個係最主要嘅原因.

 所以我裏面介紹嘅全部都係一啲比較冷門, 或者性價比 可能比較好嘅酒店:

( 基於因為女家需要一間出門嘅房間, 所以客人揀嘅應該最少係 1 room suite, not studio)

 http://www.yausart.com/hotel

 

 

 其他(當日)我哋需要客人配合:

1.  其實我會建議客人同我溝通rundown首先開一個chatgroup (我,  新郎, 新娘 only),  咁日後可以翻睇資訊等等.

 如果客人覺得只需要聯絡其中一位我都可以.   另外呢一個rundown (page) 亦都可以同兄弟姊妹share下,  一方面佢哋可以有具體啲嘅概念,  始終excel 睇上去係比較複雜. 

2.   早上吉時,  其實如果有得選擇嘅話當然可以選擇比較晏一點的時間,  當然如果真係冇得揀咁可以同我研究下.

因為時間係可以調配. ( 不過最minium來講, 出門早過10:00, 時間真係必須控制得非常非常好,  遊戲最多只能夠玩一個,  當然如果客人唔介意所有當日參與嘅人( 兄弟姊妹屋企人化妝師攝影師都早啲嘅話, 咁時間就會鬆動一點.)

早上時其後嘅活動, 時間流程 ( 例如註冊同埋晚宴等等), 我哋都可以跟客人安排,  對我哋拍攝嘅影響唔大.

3.   當日交通安排,  女家去男家之後去其他地方我哋都需要客人安排俾我哋

 最好係有一架旅遊巴,  如果兄弟或者姊妹有自己車的話請預留座位及位置俾我哋放置器材.

 都必須留意事前嘅交通安排 > 例如識唔識去目的地.

 其實我唔係太建議客人安排我哋搭的士, 因為的士司機有時唔一定識去而且輪候亦都需要時間.

 

4.  當日膳食,  晚上的膳食客人都需要安排俾我哋 (not a must, but it s really better for our work)

 其實我哋當日嘅拍攝我( as team leader ) prefer一樣野就係我哋 "跟大隊",  同交通安排exactly一樣.

  當我跟住兄弟姊妹或者其他人一齊食飯我就會知道個流程嘅進度或者最新嘅安排, 例如幾點係邊度集合.

  Lunch如果客人安排到, 我哋同樣跟大隊,  如果唔係嘅話, 我哋就喺附近食. ( 如果附近冇普通食肆的話, 我會同客人再傾呢樣野)

5.  Payment , 客人有可能係夜晚送完客之後好忙, 忙於收拾.  尾數其實我會幾suggest 下午五至六點時 ( 全日比較唔忙的時間)可以finish埋,  呢一個唔係硬性嘅, just a suggestion. 

6.   Relax & enjoy every moment , 事前準備充足可以交比信任嘅兄弟姊妹.   

當日客人放鬆心情,  相信我哋團隊就可以.  當日有咩需要可以直接搵我.

新人可能當日一些小小破事兒:

 http://www.yausart.com/suntk 

 以上嘅內容係我累積7-8年嘅經驗, 多個小時去編寫

 衷心感謝客人, 希望以上幫到你哋

 All text by YAU SO, 2017

WEB DESIGNED by YAU SO ALL Photo Copy right by HONG KONG WEDDING & PORTRAIT PHOTOGRAPHER YAU SO reserved 2010~2018.

YAUSART.COM

To get best experience of the website, view on desktop is way better than mobile~!